Helstu skilyrði fyrir lántöku hjá Auði er að standast lánshæfis- og greiðslumat ásamt því að um sé að ræða fjármögnun á fullbúnu íbúðarhúsnæði til eigin nota á 1. veðrétti. Húsnæðislán eru eingöngu fyrir einstaklinga (ekki fyrirtæki) og lánað er fyrir allt að 55% af markaðsvirði íbúðarhúsnæðis.

Lántakar hjá Auði þurfa að vera með lánshæfismat í flokki A1-B1 hjá Creditinfo. Inn á þjónustuvef Creditinfo er hægt að nálgast upplýsingar um lánshæfimat einstaklinga:  https://www.creditinfo.is/einstaklingar/lanshaefismat

Auður vill stuðla að eignamyndun hjá viðskiptavinum sínum. Ein besta leiðin til þess er að bjóða upp á hagstæð óverðtryggð húsnæðislán sem hækka ekki með verðbólgu eins og verðtryggð lán gera.

Vextir á húsnæðislánum Auðar eru breytilegir og samanstanda af grunnvöxtum og vaxtaálagi. Grunnvextir jafngilda stýrivöxtum Seðlabanka Íslands sem í dag eru 7,25%. Vaxtaálag á nýjum húsnæðislánum er nú 1,4% fyrstu þrjú ár lánstímans en hækkar í 1,9% að þeim tíma liðnum.  

Heildarvextir nýrra húsnæðislána Auðar eru því 8,65% í dag og taka breytingum í takt við stýrivexti Seðlabanka Íslands á hverjum tíma og hækkun á vaxtaálagi eftir fyrstu þrjú ár lánstímans.  

Auður vill stuðla að gagnsæi og að lántakendur geti gengið að því vísu að þegar að vaxtastig í landinu lækkar þá munu húsnæðislánavextir Auðar lækka. Hafa ber í huga að húsnæðislánavextir Auðar munu þó einnig hækka ef stýrivextir hækka.

Til að tryggja fyrirsjáanleika og gagnsæi til lengri tíma þá er vaxtaálagið sem tekur við að þremur árum liðnum skilgreint í upphafi lánstímans og sett inn í lánaskilmála húsnæðislána Auðar. Ástæðan fyrir hærra álagi að þremur árum liðnum er sú að aukin óvissa ríkir um rekstrarumhverfi við húsnæðislánveitingar til lengri tíma litið heldur en til þriggja ára í senn og því hækkar álagið til að mæta þeirri óvissu.

Það er engu að síður keppikefli Auðar að bjóða sem hagstæðust kjör á hverjum tíma og stendur viðskiptavinum ávallt til boða að endurfjármagna lán sín yfir á gildandi vaxtakjör á nýjum húsnæðislánum hjá Auði með föstu vaxtaálagi til næstu þriggja ára.

Auður vill bjóða upp á sem hagstæðust kjör og með því að takmarka lánshlutfallið við 55% er hægt að bjóða upp á hagstæðari vexti.

Auður býður ekki upp á hærra lánshlutfall en 55% af markaðsvirði en hægt er að sækja um viðbótarfjármögnun á 2. veðrétti hjá öðrum lánveitendum.

Lántakendur Auðar geta valið lægri mánaðarlegar greiðslur sem eru festar í allt að 3 ár frá lántökudegi. Mismunurinn á föstu mánaðarlegu greiðslunni sem valin er og þeirri upphæð sem hefði átt að greiða samkvæmt vöxtum lánsins bætast við höfuðstól lánsins einu sinni á ári. Mismunurinn leggst á höfuðstól lánsins 12 mánuðum eftir fyrsta gjalddaga. Þeir vextir sem bætast við höfuðstól lánsins koma til greiðslu á þeim gjalddögum sem eftir eru af lánstímanum.

Léttari greiðslubyrði hentar einkum þeim sem vilja tímabundið lægri greiðslubyrði og minni sveiflur í greiðslum sem getur komið sér vel í háu vaxtastigi. Þó ber að hafa í huga að lántakendur þurfa að standast greiðslumat af láninu miðað við fulla greiðslu.  

Já, húsnæðislán Auðar bera ekki uppgreiðslugjald og það sama gildir ef þú vilt borga aukalega inn á höfuðstól lánsins. Auður vill hjálpa þér að eignast meira í húsnæðinu þínu.

Endanleg lánsfjárhæð hjá Auði takmarkast við útreiknaða mánaðarlega greiðslugetu til afborgana af húsnæðisláni í hefðbundnu greiðsluferli (hraðari eignamyndun).  Einnig þarf að taka tillit til reglna Seðlabanka Íslands um hámark greiðslubyrðar í hlutfalli við tekjur neytanda. Samkvæmt þeim má greiðslubyrði af fasteignalánum almennt ekki nema hærra hlutfalli en sem nemur 35% af ráðstöfunartekjum lántakenda en 40% sé um fyrstu íbúðarkaup að ræða.

Auður lánar allt að 55% af markaðsverðmæti íbúðarhúsnæðis. Þegar um húsnæðiskaup er að ræða þá er lánað allt að 55% af kaupverði skv. samþykktu kauptilboði.  

Við endurfjármögnun er horft til fasteignamats viðkomandi eignar en rúmist lánsfjárbeiðnin ekki innan 55% af fasteignamati þá geta umsækjendur skilað inn verðmati frá löggiltum fasteignasala og getur lánsfjárhæð þá orðið  allt að 55% af því verðmati.  Athugið að starfsfólk Auðar leggur sjálfstætt mat á hvert verðmat og áskilur sér rétt til að lækka lánsfjárhlutfall sé talin þörf á því.