Algengar spurningar
Hver er Auður?
Hér fyrir neðan eru nokkrar algengar spurningar. Ef þú hefur frekari spurningar sendu þá línu á audur@audur.is
Hver er Auður?
Auður er fjármálaþjónusta á netinu sem býður upp á sparnaðarreikninga og húsnæðislán fyrir einstaklinga. Auður veitir þjónustu einungis á netinu en með því að bjóða upp á afmarkaða þjónustu nær Auður að halda kostnaði í lágmarki og þannig skapa svigrúm til að bjóða viðskiptavinum upp á betri kjör á sparnað og húsnæðislán fólks. Auður er vörumerki í eigu Kviku banka hf.
Er Auður með bankaleyfi?
Kvika er með viðskiptabankaleyfi frá fjármálaeftirliti Seðlabanka Íslands og Auður er vörumerki í eigu Kviku. Innlán hjá Auði er því jafngilt því að vera með innlánsreikning hjá Kviku.
Er innstæðutrygging hjá Auði?
Já, innstæðan þín hjá Auði (Kviku banka hf.) er tryggð hjá Tryggingarsjóði vegna fjármálafyrirtækja (https://tvf.is/). Hámarkstryggingarfjárhæð er bundin gengi evru og jafngildir á hverjum tíma 100.000 evrum.
Er Auður með útibú?
Nei, Auður er ekki með útibú og einmitt þess vegna er hægt að bjóða viðskiptavinum hagstæðari kjör.
Hvernig reikninga býður Auður upp á?
Auður býður upp á Sparnaðarreikning, Bundinn reikning til 3, 6 og 12 mánaða og Grænan framtíðarreikning.
Af hverju eru vextirnir svona hagstæðir hjá Auði?
Þar sem Auður heldur yfirbyggingu í lágmarki og veitir afmarkaða þjónustu nær Auður að halda kostnaði í lágmarki og bjóða viðskiptavinum upp á betri vaxtakjör.
Hvað þýðir að vextir eru greiddir mánaðarlega?
Það þýðir að ef þú myndir leggja inn 1.000.000 kr í upphafi mánaðar og lætur innstæðuna liggja óhreyfða t.d. í einn mánuð þá fengir þú innstæðuna, margfaldaða með vöxtunum og deilt í 12. Gefum okkur að ársvextir á reikningi séu 2% þá yrði þetta reiknað svona: 1.000.000 * 2% = 20.000/12 = 1.667 kr og svo er fjármagnstekjuskattur dreginn frá.
Hvar er verðskráin?
Sparnaðarverðskráin er hvergi! Auður borgar þér vexti af sparnaðinum, en rukkar þig ekki.
Verðskrá húsnæðislána má finna hér.
Er Auður með ríkisábyrgð?
Nei, það er ekki í gildi nein ríkisábyrgð á bankareikningum á Íslandi. Auður er vörumerki Kviku banka hf. það þýðir að reikningurinn þinn er í reynd lán til Kviku banka hf. Innstæðan þín nýtur forgangs við slitameðferð eða gjaldþrot samkvæmt lögum og er tryggð hjá Tryggingarsjóði vegna fjármálafyrirtækja (https://tvf.is/). Hámarkstryggingarfjárhæð er bundin gengi evru og jafngildir á hverjum tíma 100.000 evrum.
