Öryggi er Auði mikilvægt. Öll samskipti við netbanka Auðar eru dulkóðuð til að tryggja að óviðkomandi aðilar komist ekki í upplýsingarnar þínar. Netbanki Auðar nýtir rafræn skilríki og Auðkennisappið til auðkenningar, en auðkenning með rafrænum skilríkjum er talin ein sú öruggasta sem í boði er.

Mikilvægt er að notendur gæti þess þegar netbanki Auðar er opnaður að vefslóðin sé rétt. Vefur Auðar er vottaður eftir ströngustu öryggiskröfum.

Ef þú týnir símanum þínum skaltu fylgja einhverjum af eftirfarandi þremur skrefum:

• Hafa samband við símafélagið þitt og fá það til að loka SIM-kortinu í símanum því þá afturkallast rafrænu skilríkin sjálfkrafa og verða ónothæf.
• Hafa samband við Auðkenni (útgefanda rafrænna skilríkja) og láta loka rafrænu skilríkjunum.
• Ef þú átt fleiri rafræn skilríki getur þú skráð þig inn á https://mitt.audkenni.is og afturkallað skilríkin sjálf/ur.

Finna má ýmsar almennar spurningar og svör vegna rafrænna skilríkja á vef Auðkennis, https://www.audkenni.is/adstod/spurningar-svor/. Einnig má finna ýmsar gagnlegar spurningar og svör inni á vef ríkisskattstjóra, https://www.skilriki.is/notendur/sos/.

Ef þú skiptir um símanúmer eða SIM-kort þarftu að fá ný skilríki. Það gerir þú með því að fara aftur á skráningarstöð með ökuskírteini, vegabréf eða nafnskírteini og fá ný skilríki virkjuð.