Algengar spurningar
Grænn framtíðarreikningur
Hvernig og hverjir geta stofnað Grænan framtíðarreikning?
Forráðamenn sem deila sama fjölskyldunúmeri og börn geta stofnað Grænan framtíðarreikning. Einnig forráðamenn sem deila forsjá barns.
Er Græni framtíðareikningurinn bundinn?
Já, Græni framtíðarreikningur Auðar er bundinn til 18 ára aldurs.
Geta aðrir forráðamenn en sá sem stofnaði séð Græna framtíðarreikninginn?
Já, deili forráðamenn sama fjölskyldunúmeri geta þeir séð Græna framtíðarreikning barns. Forsjáraðilar eiga líka að geta séð.
Hvenær er hægt að taka út af Græna framtíðarreikningnum?
Öll innistæða reiknings losnar á 18 ára afmælisdegi reikningseiganda og er laus í mánuð. Eftir það er innistæðan bundin ótímabundið og panta þarf úttekt með þriggja mánaða fyrirvara.
Er hægt að leggja inn á Grænan framtíðarreikning eftir að hann hefur verið stofnaður?
Já, það er svo sannarlega hægt, alveg til 18 ára aldurs.
Er hægt að taka pening út áður en binditíma Græns framtíðarreiknings lýkur?
Nei, það er því miður ekki hægt. Reikningurinn er bundinn til 18 ára aldurs.
Hvað þýðir að framtíðarreikningur sé grænn?
Það þýðir að allar innstæður sem lagðar eru inn á reikningana eru notaðar til að fjármagna eða endurfjármagna umhverfisvæn verkefni eins og þau eru skilgreind í grænum fjármögnunarramma Kviku banka. Nánar má lesa um græna fjármögnunarrammann hér.
Hvenær eru vextir greiddir út?
Vextir greiðast út í lok árs.
Eru vaxtatekjur bundnar?
Já, vextir eru lagðir inná Grænan framtíðarreikning í lok árs, að frádregnum fjármagnstekjuskatti. Vextirnir losna svo við 18 ára aldur.
Hvenær eru verðbætur greiddar út?
Verðbætur greiðast út mánaðarlega og í lok árs er fjármagnstekjuskattur dreginn af þeim.
Hvenær byrja peningarnir að safna vöxtum?
Innborganir bera vexti frá innborgunardegi að útborgunardegi þar sem útborgunardagar bera ekki vexti. Ef millifært er um helgi eða eftir klukkan 21:00 á virkum degi er innborgunardagur næsti virki dagur.
Hvaða vexti ber Græni framtíðarreikningurinn?
Grænn framtíðarreikningar Auðar eru verðtryggðir með breytilegum vöxtum. Grænn framtíðarreikningur ber nú 2,70% vexti og eru vextir greiddir í árslok. Vaxtakjör eru háð ákvörðun Auðar hverju sinni og taka mið af vaxtastigi á fjármálamarkaði. Breytingar á vöxtum taka gildi frá birtingu þeirra á heimasíðu Auðar. Af öllum vaxtatekjum og verðbótum af inneignum ber að halda eftir staðgreiðslu fjármagnstekjuskatts.
Afhverju eru vextirnir svona háir hjá Auði?
Auður heldur yfirbyggingu sinni í lágmarki og veitir afmarkaða þjónustu, þannig nær Auður að halda kostnaði í lágmarki og bjóða viðskiptavinum upp á betri innlánskjör en aðrir.
Hvert er vaxtatímabilið?
Vaxtatímabil reiknings er frá 1. janúar til 31. desember ár hvert, en vextir bætast við höfuðstól við lok hvers árs.
Er Græni framtíðarreikningurinn verðtryggður eða óverðtryggður?
Framtíðarreikningur Auðar er verðtryggður - ólíkt hinum reikningum Auðar!
Þarf forráðamaður að vera viðskiptavinur til að stofna Grænan framtíðarreikning?
Já, forráðamaður þarf að vera viðskiptavinur hjá Auði til þess að eiga möguleika á að stofna Grænan framtíðarreikning.
Er hægt að stofna reikning fyrir fleiri en eitt barn?
Já, það er að sjálfsögðu hægt!
Er hægt að stofna fleiri en einn reikning fyrir hvert barn?
Já, það er hægt.
Eru vextir greiddir árlega eða mánaðarlega? En verðbætur?
Vextir eru greiddir árlega. Verðbætur eru greiddar út mánaðarlega.
Getur barnið skráð sig inn ef það er með rafræn skilríki?
Það er hægt en þá þarf það að vera með rafræn skilríki og að minnsta kosti 13 ára.
Er hægt að stofna Grænan framtíðarreikning eftir að ungmenni verður 15 ára?
Já, þangað til ungmennið verður 17 ára.
Er hægt að leggja inn á Grænan framtíðarreikning eftir að ungmenni verður 15 ára?
Já, það er hægt að leggja inn alveg til 18 ára aldurs.
Getur hver sem er lagt inn á reikninginn?
Já, hver sem er getur lagt inn á reikninginn.
Hvað gerist við 18 ára aldur?
Þá lokast fyrir innborganir á reikninginn og þegar óskað er eftir úttekt þarf öll upphæðin að vera tekin út og í kjölfarið er reikningurinn eyðilagður.
